And I the symple and vnsuffisaunt translatoure of this lytel book pr() and beseke as lowely as I kan to the reder or herer of this processe to for geue it me þat I haue not translated worde for word as in was in the Frensche, somewhat be cause of ille writyng of myn exampler,somewhat be cause of hard Frensch -- specially sith I am but litel expert in þat langage -- somewhat also be cause of somme thinges þat were diffuse and in som place ouerderk.
Wherfore, I haue in dyuers places added and with drawe litel as what me semed needful, no thing chaunging the progresse ne substaunce of the mater, but as it myght be most lusti to the reder or herer of the matier. Also I must excuse me to the reders or herer of the matier in som place, thei it be ouer fantastyk, nought grounded nor foundable in holy scripture, ne in douctoures wordes, for I myght not go from myn auctor. Also in myn addicions, specially inpletyng of mercy and in the sermon of Doctrine of nature of the soule, and her at the ende in the matier of the Trinite, if I haue said owt othir than autentik, I beseche you all to amen de it, which þat haue kunnyng in þat matier more than haue I, for myn is symple and of litel value. This is the mark at the begynnyng of m yn addicion, 'A K' , and this at the ende. 'i z'.6.